田中圭被記者追問，就用飲醉作理由，但又說永野想過同自己發展。
25歲日本女星永野芽郁今日爆出不倫戀兼一腳踏兩船。《周刊文春》先後拍到40歲「人夫」田中圭在她寓所過夜，再影埋與在日發展的26歲韓星金武俊「宿一宵」。各人事務所即時否認，但有圖有真相，外界認為真有其事。
《周刊文春》趁住田中圭離開永野芽郁寓所後，當面採訪他。田中表示永野是後輩，絕對沒有男女關係。「我經常飲到斷片，唯有接受她照顧啦。」田中承認太太不知他去永野家，記者問太太會嬲嗎？他說：「比起嬲，太太應該會講：『唔好麻煩到人(永野)啦。」
永野與田中圭因合演電影而認識。
今日流出兩人的拖手照，好甜蜜。
想過同永野發展
田中圭不停說自己經常飲醉，試過給好多朋友麻煩，永野只是其中一位。再問他有否想過與永野發展關係。他竟說：「冇可能。其實佢(永野)偶爾會閃過發展情侶關係嘅想法。不過我哋係超好朋友，所以冇可能嘅。至於去年萬聖節唔止我哋，仲有其他朋友。」再問他是否在永野屋企，田中哀求說：「唔好問啦，放過我啦。」
記者再問他現時與永野的關係，田中表示：「我哋係行得好埋，不過最近大家都講過咁樣唔太好，唔應該繼續，所以我哋都結束咗。」記者問：「4月開始保持距離？」田中即時驚訝問：「你點知？少見面啦。我要澄清，絕對冇佢屋企鎖匙，點可能會有呢。」
永野好忙，照顧完人夫田中圭，再帶韓星金武俊返屋企。
金武俊在日發展，經常有劇拍。而家惹緋聞，短時間冇運行。
限時早鳥優惠 火速訂位 | am730母親節溫馨晚宴 $5000福袋等你拎!
