Taylor與碧琪出雙入對，今次被後者拖落水要上庭。
「死侍」賴恩雷諾士(Ryan Reynolds)女星老婆碧琪麗芙莉(Blake Lively)控告《痛愛完成式》(It Ends with Us)男星Justin Baldoni拍攝時性騷擾，Justin反控她運用權力進行欺凌及誹謗，雙方展開漫長的法律訴訟。
英國《每日郵報》報道，法院傳召碧琪好姊妹Taylor Swift和「狼人」曉治積曼(Hugh Jackman)作供，兩人會在本周內收到傳票。
曉治積曼(左)與賴恩雷諾士好老友，今次被老友老婆搞到上庭都冇聲出。
Justin Baldoni被碧琪投訴性騷擾，即被經理人公司解約，電影公司唔敢搵佢拍戲，都係多得碧琪勢力龐大。
Taylor嬲爆被利用
碧琪拍攝《痛》片期間威脅Justin：「我和老公在荷李活擁有好高權力。」當中提及Taylor Swift和老公好友曉治積曼，暗示自己有兩位巨星撐腰。所以，法院決定傳司兩人作供。
據聞Taylor不滿碧琪將自己作「護身符」，更令人誤會自己「好多事」。自此，Taylor「嬲咗」碧琪。而碧琪得知好姊妹嬲爆，發出千字文道歉訊息，終獲Taylor原諒。但如今官司殺埋身，Taylor又被傳召，友情又要受多次考驗了。
限時早鳥優惠 火速訂位 | am730母親節溫馨晚宴 $5000福袋等你拎!
