師奶補蛙

女性一般48至52歲收經，少數人更早。

女披唇：柴醫，我近排潮熱煩躁心悸失眠脫髮，點算啊？我45歲咋！

柴醫：可以試吓師奶補蛙。

女披唇：舒拉寶娃？網球女星！關我甚麼事？

柴醫：卵巢功能低下或早衰，是一些腎虛症狀，可以適當補充一些女性雌激素，而林蛙油丸就有這個功效。

女披唇：會唔會有副作用？

柴醫：對於一些有子宮肌瘤、乳房纖維瘤的患者，就不適合喇。對於卵巢早衰，提早更年期的人，就比較適合。

女披唇：所以「師奶補蛙」後，就可以還原靚靚喇！

柴醫：如果本身唔靚，補充後都係唔靚。

女披唇：😂😂😂