無綫前監製錢國偉(Wilson)昨午因胰臟癌病逝，終年58歲。圈中好友對他的離世大感心痛，紛紛在網上留言悼念。Wilson的遺孀陳宛蔚，在胞妹、錢嘉樂、黎芷珊等陪同下接受傳媒訪問，大讚老公是一位戰士，又指他離世是十分安詳，並否認靠食嗎啡止痛的傳聞。
陳宛蔚首先多謝大家的關心，她表示Wilson一直都認為自己會康復，所以他們沒有討論過任何事情。她說︰「佢好Peaceful咁離開，好叻仔，係我嘅Hero，好多人都好錫佢。我老公一粒止痛藥都冇食過，都捱得到，好叻呀佢！佢真係我嘅戰士！」她表示2歲囡囡有見爸爸最後一面。錢嘉樂續指Wilson兩年前已得知患癌，在香港的好友都有入院探望，而曾志偉、陳小春、林曉峰、謝天華等好兄弟因身在內地，也有以視像與錢國偉聯繫。他說︰「佢太太呢兩年好攰，呢日要面對好多嘢，希望Wilson喺另一個國度可以開心生活。」
錢國偉的女兒現時2歲，錢嘉樂透露對方最捨不得囡囡。
堅持工作到最後
錢嘉樂稱Wilson唯一牽掛是兩歲大的囡囡，強調會與一眾好友會好好照顧，又讚她年紀小小十分生性。提到Wilson生前可有工作尚未完成，陳宛蔚表示有小量工作未有完成，相信朋友們會體諒，錢嘉樂補充說︰「伊健個演唱會有手尾要跟，佢仲有一部戲，都有完成嘅。最初佢有病，都堅持創作，話怕亂諗嘢。」完成訪問後，陳宛蔚終忍不住淚水，眼濕濕合十致謝再離開。
錢嘉樂表示眾兄弟派他做代表，會盡力協助錢國偉妻女。
陳宛蔚做完訪問後，終於忍不住掉下眼淚，並合十致謝。
立即更新/下載AM730手機APP 體驗升級功能
