財政預算案2024｜龍漢標病倒　但指「責任心沒減退」一定為草案發聲｜Ray Online

立法會今日繼續審議財政預算案，病咗嘅經民聯地產及建造界議員龍漢標照樣出席會議，話今日身體雖然虛弱啲，但責任心冇減退，只要可以發聲，一定會為草案發聲！

與陳茂波同病相憐

一向關注撤銷樓市「辣招」嘅龍漢標，就算帶病上陣，都成為今日喺財政預算案辯論發言次數最多嘅議員。佢仲提到同財政司司長陳茂波「同病相憐」，皆因陳茂波似乎都病咗，佢發言長達差唔多1個鐘，周不時都停低咳兩聲同埋用紙巾抹鼻。當三讀通過財政預算案之後，陳茂波喺會議廳外見記者都戴返個口罩。