![颱風吹爆窗|網民分享屋企4隻窗遭吹爆維修要5位數! 家居保險有得賠?|好裝修](https://cdn.am730.com.hk/s3fs-public/styles/article_image/public/2024-08/M_15.jpg?itok=HF_ZNhMX)
颱風吹爆窗|網民分享屋企4隻窗遭吹爆維修要5位數! 家居保險有得賠?|好裝修
上年九月,超強颱風蘇拉加黑雨襲港令香港多區出現水浸,更加吹爆唔少屋企玻璃窗。有網民分享自己住喺康城區,十號風球期間被「蘇拉」一度吹爆咗屋企4隻大窗,最後維修費用高達5位數,但好彩有買家居保,所以唔需要支付大部分費用,引起大批網民熱議。最近又開始咗颱風季,到底吹爆窗家居保險有得賠幾多?裝修佬今日同大家一齊拆解!
打風落雨自救攻略 家居清潔/風濕腳痛/人身安全一文解決
網民分享遭蘇拉吹爆4隻窗維修費用達5位數
有居住在康城區的網民曾分享,上年颱風蘇拉襲港期間,自己已經將單位內所有窗戶貼上膠紙,但十號風球期間仍不幸有4隻大窗爆裂,「我已經用膠紙米字型咁黐,仲特登睇係咪黐得實,點知掛咗十號風球無幾耐,我同個仔間房突然好大呯一聲,開房門就見到成地玻璃,搞到我哋超級驚,颱風咁大又走唔到,最後喺大堂過咗一晚。」網民又指,之後搵師傅上門報價,清拆損毁窗戶加安裝新窗戶嘅維修費用竟高達5位數。
但網民表示,幸好佢之前有聽做裝修嘅朋友建議購買家居保,於是諮詢保險公司,保險公司表示單位曾經裝修,屬受保範圍,最後唔使支付大部分賠償,颱風完結後好快就更換晒所有損毀窗戶,又提醒大家緊記要買裝修保險。
帖文發出後引起不少網民熱議,不少人看過帖文後至知原來「颱風吹爆窗」都係家居保受保範圍之一,「要話俾我住杏花邨嘅朋友啦」、「原來家居保都真係幾重要」、「我都試過爆窗,最後俾咗成萬蚊維修」。
玻璃窗打風貼膠紙更危險?牛皮膠紙係首選 附膠紙漬清除神器
打風爆窗 家居保險點樣先受保?
如果打風期間屋企嘅鋁窗被打爆,家居保險受保嗎?一般而言,要視乎鋁窗是否原裝。因火險只保障樓宇結構,包括牆身、地板、天花、門窗及受保業主購買物業時已有嘅裝修。
若單位窗戶為入伙原裝,就屬於火險保障範圍,家居保險則不受保;若單位經過業主裝修,至屬於家居保險嘅保障範圍。不過,每間保險公司提供嘅保險計劃受保範圍都有不同,有些公司更會列明個別物品不在受保範圍內,大家購買家居保前必須留意清楚。若不幸家居因颱風導致財物損失,建議要保存好財物損壞嘅照片,並盡可能保存已損毀物件,以作記錄同方便索償。
好裝修|落雨窗邊滲水好頭痕?即睇原因+急救+預防方法
![裝修工程|裝修保險和家居保險的保障範圍是否一樣?](https://cdn.am730.com.hk/s3fs-public/styles/article_image/public/2024-08/2e675c94-c0dc-4020-9cfe-bf90a02dc32a.png?h=f40eb587&itok=QUkPzHqL)
裝修工程|裝修保險和家居保險的保障範圍是否一樣?
裝修工程|裝修保險和家居保險的保障範圍是否一樣?
家居保險唔係為裝修而設,所以對裝修期間出現嘅事故,保障並不足夠,普遍只保障在裝修期間意外引致嘅財物損失,但如果係裝修物料損毀或裝修期間引致第三者身體傷亡,唔少家居保險都無明言提供以上保障。因此,即使已經有家居保險,都建議業主裝修前額外購買裝修保險,補足家居保險未有覆蓋嘅範圍。