2016-12-20 06:00:00

不怕比併舊班底楊怡舞台劇有謙仔撐場

楊怡、萬綺雯(蚊蚊)及黃德斌等，昨日在葵涌為舞台劇《我和春天有個約會》(《春天》)作最後一次排練，問眾人怕不怕被人拿來與舊班底作比較，楊怡指，沒有甚麼好比較，只會給觀眾耳目一新感覺，由於舞台劇將出外巡演，老公羅仲謙(謙仔)沒有投訴，更會入場支持。

楊怡、蚊蚊與其他演員昨日即場表演兩段精彩戲，之後便直接前往上海，作為期一個月的公演，問到會否怕舊班底比較，楊怡說：「其實唔存在比較，《春天》齣劇嘅故事，大家都好熟悉，所以觀眾都會期待我哋今次演出帶嚟嘅新鮮感。」蚊蚊則說：「其實我20年前已經演出過電視劇版《春天》，覺得冇咩可以比較，因為合作嘅演員都唔同。」

謙仔應承入場睇

楊怡將離開香港一個月，問她會否怕謙仔寂寞，她說：「唔會啦，依家科技咁發達，而且佢有時唔響香港嘅時間仲長，佢試過因工作離開3個月。」楊怡又透露，在上海公演時，謙仔已經應承，會抽時間入場觀看演出。