中年好聲音︳「英國豪」越唱越有 羅啟豪有個歌唱家媽媽 曾為六嬸方逸華獻唱
《中年好聲音》去到賽事後段，喺之前演出存在感唔高嘅羅啟豪，近期狀態大勇，同李佳合唱《當愛已成往事》被評審讚不絕口，甚至主持車婉婉都貼佢係三甲人選之一，一洗「隱形人」標籤。
羅啟豪越唱越有。
任職平面設計師嘅羅啟豪，熱愛唱歌可能係由媽媽遺傳！「英國豪」原來有個歌唱家媽媽劉英(Anne Lew)，15歲就參加業餘歌唱大賽贏得冠軍，後來成為酒店駐唱歌手，為女歌手Irene Ryder做替工。劉英更曾經為TVB前掌舵人「六嬸」方逸華嘅音樂節目擔任嘉賓！
之後劉英認識到前夫，但因為夫家唔希望佢拋頭露面，於是放棄音樂組織家庭。到3個小朋友長大後，劉英喺2006年「重出江湖」同朋友組成歌唱團，早前更為陳奕迅《盲婚啞嫁》MV獻唱歌曲When I’m Dreaming。
羅啟豪喺《中年好聲音》嘅宣傳片講過，希望可以同媽咪一樣成為歌唱家，喺觀眾面前放膽唱歌，完成媽媽嘅未完心願。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
