古淖文妖到爆，卻被評演出太過油條。
無綫歌唱節目《中年好聲音2》昨晚「廿六強勁歌金曲淘汰賽！」顏米羔獲得88分暫列第一，沈宗賢、李榮耀分別獲得75分和73分暫列危險區。上集獲得MVP的古淖文貫徹妖異台風，穿上銀色皮褸加黑色皮褲的他，獻唱羅文《激光中》，淖文演出期間又唱又跳，更突然半脫皮褸露出內裏的黑色背心，妖味爆錶。
不停對住鏡頭放電。
自信十足的古淖文演出忘我，不時對住鏡頭單眼放電，台風勁爆，最終獲得81分，肥媽說：「你喺舞台上冇當自己係比賽，係當自己喺度表演，你見到邊個鏡頭着就做pose，但有啲太過江湖、走緊場嘅感覺，你要小心。」張佳添則笑言：「今日慧嫻唔喺度，我代佢講啦，巨星。你真係有壓台感，你一舉手一投足一個眼神，都係好屬於舞台，但你忘記咗今次係比賽，但台風冇得頂。」
古淖文最終奪得81分。