潘紹麟是「比賽專業戶」，他的歌唱實力值得大家關注。
《中年好聲音3之決戰大灣區》 今（29日）晚8時30分翡翠台播映， 節目由車婉婉擔任主持，評審團有肥媽、張佳添、周國豐、巫啟賢和曾路得。
今集輪到大灣區賽區餘下10位參賽者出場，現年38歲報稱是網絡主播的潘紹麟值得大家關注。潘紹麟參加不過少大型音樂選秀節目，如《快樂男聲》、《中國夢之聲》、《中國好聲音》等，自言是「比賽專業戶」的他今次再參加比賽是希望圓夢。
潘紹麟擁有一把屈機磁性煙嗓。
潘紹麟說：「有一段時間覺得參加比賽好難， 之後去咗做酒吧歌手，因為要先生活後理想，冇再做酒吧歌手之後，就去咗做直播，就咁一個人空房間對住一個鏡頭，成個傻仔咁喺度講嘢，我嘗試過萬人舞台，亦都試過喺酒吧度得兩張枱，落差感都好大，今次趁住男人四十之前，希望喺唱歌呢個夢想上發光發熱，圓自己心願。」
獻唱《那誰》的潘紹麟憑着一把磁性煙嗓成功俘虜一眾評審，惟比賽完後他表現亢奮，得意忘形地瘋狂搞Gag，豈料此舉惹來評審巫啟賢不滿，巫啟賢更一度撳熄自己盞燈後說：「你要做一個歌手講嘢時係要收，因為一個歌手要留啲空間畀人欣賞佢嘅沉默、氣質，你唱完首歌我仲喺首歌嘅情緒入面，但你一講嘢我就想撳走呢盞燈，你一開口就破壞晒！」
巫啟賢一度撳熄盞燈！
