張家豪《美麗之最》VS梁華勝《沙龍》
《中年》首季第五名顏志恒的中學師弟5燈張家豪，跟顏師兄一樣同為西餐廚師，他直言從小讀書不好，令父母「冇嘢值得驕傲」，長大後出來社會工作，亦曾借錢經營酒吧卻生意失敗，最終因欠債而申請破產，再度令父母擔心：「雖然我冇咩成就……希望今次參加《中年3》可以令到父母覺得自己係得嘅。」張家豪坦言在意別人指他「唱歌幾好，不過個樣就衰啲」，不接受他在台上演出：「其實唱歌任何人都唱得，唔關外形、相貌事，好食嘅嘢唔一定要賣相好，最緊要真材實料。」
被批有黐脷筋問題
張家豪以《美麗之最》對戰4燈的梁華勝《沙龍》，前者被「左右門神」伍仲衡和周國豐指出有黐脷筋的問題，張佳添亦狠批其嘴唇懶惰，「三分二首歌你都用口腔唱歌，咀唇非常懶惰。」而因聲線激似陳奕迅、曾獲周國豐建議「可以唱多啲陳奕迅嘅歌」的梁華勝，果然聽話繼續揀選「神歌」，可是相比之前演出同樣強差人意。Alan點評指他欠缺感情似唱K，張佳添聞言拋出一句，炒熱現場氣氛：「終於明白點解有首歌叫《如果我是陳奕迅》，咁個個唱陳奕迅嘅歌都可以好好聽。」場面搞笑。
amJetso 送BIODERMA救星小紅瓶🩷護膚恩物 立即按此參加👇
