五索近日生蛇並出現後遺症。
34歲的「五索」鍾睿心早前被爆做小三，與66歲大生銀行主席兼大生地產副主席馬清鏗發展婚外情，日前五索自爆生蛇，昨晚(13日）她就在社交網拍片崩潰大喊出現嚴重甩頭髮情況，更分享生蛇之苦 。
五索近日生蛇並出現後遺症，她拍片展示嚴重甩頭髮，頭頂禿了一大撻，如「鬼剃頭」般的恐怖情況，見她喊到眼腫腫，哭著表示：「我點樣出街啊？」五索續分享生蛇的痛苦經歷：「我喺七日之前生蛇，頭兩日好似普通頭痛咁，係勁過普通頭痛，跟住開始愈嚟愈痛，痛到開始唞唔到氣，半夜都唞唔到氣，全身好痛。」而她去了養和醫院求醫，醫生指有機會是生蛇，但要待水泡出現才能確定。
五索形容回家後就好似「煉獄」一樣：「食好多粒藥，食完又胃痛，但係要藥接藥咁食，因為如果啲藥效過咗係會超痛，啲藥係㩒到六七成嘅痛，仲係好痛，嗰種痛係好似生仔咁，生仔都係生十幾個鐘，但我係痛咗六七日。」她續指傷心痛哭並非生蛇，而是出現後遺症，令到她的頭髮冇晒，五索再次情緒激動，並哭着展示禿頭情況：「我估佢未甩晒，因為佢每日愈甩愈多。」最後，五索表示：「冇諗過自己咁後生就生蛇，唔知好唔好剃光個頭呢，咁樣禿咗一忽」她更呼籲大家大家記住去打蛇針。
立即更新/下載AM730手機APP 體驗升級功能
