伍允龍早年受訪透露曾因被指奀星、「某某男友」而感到受傷害。(資料圖片)
現已是幸福人妻的鍾嘉欣，婚前與伍允龍的戀情傳足8年，雖是公開秘密兩人一直避談戀事。伍允龍與安志杰在崔建邦主持的《諸朋好友》擔任嘉賓，伍允龍被崔建邦大爆曾私下掦言要拍TVB劇時，罕有地談到與鍾嘉欣的8年地下情，他坦言，多年來被稱為「某某男友」、「奀星」深受傷害，並曾因戀情「被收埋」而耿耿於懷：「係唔忿氣。」
努力拍戲無人理
伍允龍與鐘嘉欣於2007年因拍電影《十分愛》擦出愛火，伍允龍曾擔任鍾嘉欣MV男主角，並出席女方的演唱會，惟兩人從沒有公開承戀情，至2015年兩人表示甚少聯絡，默認結束8年情。伍允龍首度開腔談這段情帶來的傷害與不滿，「當年我成日畀人叫茄喱啡、奀星，但其實我主演過電影，拍咗好多戲亦都好努力去做，好似拍《賭城風雲》咁，一個鏡頭被車撞，我撞咗成25次，又試過從一樓跳落嚟，差啲斷腳，但都冇人知，我唔係投訴，只係唔明白點解焦點會放喺地位分別上，同埋同邊個拍拖。」不過，他強調兩人拍拖開心，從沒想過放棄，「只係對方喺工作上嘅問題，要收埋我少少，我Ok。」
電視台施壓？
電視台當紅花旦戀上外界眼中的「無名小卒」，電視台可有施壓嗎？伍允龍不諱言，雖明白對方公司立場但感難受，「因為工作要收埋我，相信佢各方面有啲壓力，咁我明㗎，當時佢好紅，但我係無名小卒，我明白嘅，不過就覺得過分咗去做呢件事，變咗個傷害喺我度。」故此，當年他曾感不服氣，「係唔忿氣，但人長大咗，過咗去，咁啱當時TVB有幾部劇搵我，但我經理人覺得唔適合推咗。」後來，伍允龍憑《城寨英雄》成功入屋，總算吐氣揚眉。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
