何猷君泰國機場親辦退稅獲讚應慳得慳 老婆奚夢瑤孖住四太行街勁孝順
過年唔少人外遊，已故賭王何鴻燊嘅四太梁安琪，早前同仔女何猷亨、何猷君及何超欣到泰國曼谷旅行。
被網民瘋狂野生捕獲
適逢旅遊旺季，唔少網民喺曼谷商場以至酒店撞到何家出巡，紛紛影相上載社交平台開心share。有人就喺其中一處見到着住檸檬print套裝嘅猷君，同媽咪行街shopping，而老婆奚夢瑤都有陪奶奶行街，相當孝順。
去到旅程完結，又有網民喺機場見到四太一家，而猷君同四太居然喺泰國機場退稅櫃位排隊，親身辦理手續。
退稅係要本尊出動先得
點解唔搵人幫手搞？原來泰國機場退稅係要本尊出動先得，唔少網民訝異四太一家富可敵國都搞退稅，亦有人認為應慳得慳係理財技巧，有錢人更加知道呢點。
有眼利網民就見到，猷君同四太喺退稅櫃位排隊嗰陣，將價值不菲嘅Hermes Birkin手袋放喺地下，呢啲先係身份象徵啦。
原文刊登於 Yahoo 娛樂圈
立即更新/下載AM730手機APP 體驗升級功能
