何雁詩在農曆新年留港工作，老公和囝囝去日本旅行。
鄭俊弘(Fred)與何雁詩(Stephanie)的兩歲兒Asher不幸患上「天使綜合症」，二人堅強面對，早前舉家帶囝囝到美國聽相關講座及接受為期三星期的治療。何雁詩昨日(8日)出席活動時大讚囝囝好大進步，由以前唔識到而家識爬行，但她指：「三星期治療每日訓練5小時，囝囝每天攰到喊。佢唔明白點解要訓練，我就喺治療接近尾聲時都忍唔住喊，係感動同開心嘅眼淚。」
鄭俊弘一家為囝囝學習手語。
馬德鐘夫婦得知Fred囝囝情況，即時介紹醫生超有心。
馬德鐘介紹醫生
何雁詩透露「天使綜合症」小朋友都不懂說話，所以她和家人正學習手語，希望囝囝長大後可以與他溝通。至於農曆年新年，她將留港工作，老公及囝囝會隨父母到日本旅遊，她表示不想只是日日湊仔，要出來工作才平衡到心理。
鄭俊弘昨日帶囝囝做治療時，就遇上曾與他合作劇集《再見‧枕邊人》的馬德鐘夫婦，他在社交網分享合照，透露馬德鐘的窩心行為：「當佢知道我個仔患有天使綜合症，佢就第一時間打電話俾我，介紹佢嘅朋友同埋外國醫生俾我認識。我真係好多謝你Joe哥，多謝你咁錫我，同埋咁錫我個仔﹗You're the best!!」
入App拎12大商場蛇年利是封
