余香凝剖腹生女陳家樂隔空祝賀

余香凝(Jennifer)去年下嫁圈外男友陸政渡，未幾宣布佗B喜訊。昨日她在社交平台上載B女捉實父母手指的合照，表示日前已剖腹誕下囡囡Clare，重6.5磅。初為人母的Jennifer大讚囡囡非常乖巧，又讚她長得可愛。前度陳家樂昨出席活動時，則隔空送上祝福。

Jennifer表示BB很配合她餵哺母乳，現時可以餵母乳餵到飽。她接受訪問時，難掩初為人母喜悅，大讚囡囡很可愛，與爸爸一個餅印，並指囡囡非常乖巧，只會在肚餓時才哭，又認為傳統上不要讚BB，但覺得要嘉許一下。問到她的心態上有何轉變，Jennifer謂︰「真係明白咩叫心肝寶貝，當佢一喊就會好擔心，有一次佢喊我就跟埋喊，好擔心佢係咪唔舒服，有朋友叫我唔好擔心咁多，因為要擔心成世。我都已經feel到成世都要擔心嗰種感覺，真係開始明白媽媽以前點解咁長氣。」

陳家樂︰大家各自生活
Jennifer舊愛陳家樂昨日出席活動時，隔空送上祝福︰「恭喜佢！希望佢開心啦！(有冇傳短訊俾佢？)冇，我諗都係唔打擾佢，大家各自都有生活。」問到何時輪到他結婚生B，家樂表示隨緣，並著大家不要催促他。提到有傳他與女友連詩雅冷戰，他謂︰「我唔知點回答呀！太無聊啦！太多虛構嘅事就無謂答。」