ERROR成員吳保錡今日推出首支派台作品《猥瑣》，亦是繼肥仔、193之後，第三位成員單飛出歌。《猥瑣》找來黃偉文（Wyman）填詞、Larry Wong作曲及舒文監製，更有其偶像李靜儀（Heidi）擔任MV女主角。
保錡曾在《ERROR自救TV》提到自己一直都好喜歡Heidi，今次邀請對方為他的處男作擔任MV女主角，他表示是跟團隊開會後得到的共識，他解釋道：「因為MV需要一個會演嘅演員擔任女主角，而Heidi近年都係一個公認嘅電影演員，大家都覺得佢非常適合。」
同李靜儀合作好感動
不過，二人今次在MV中的親熱鏡頭欠奉，最親密也只是Heidi用雙手推他入浴缸。保錡說：「我哋係用作品說話，所以一定係以歌曲同MV能表達當中意思行先，就好似我喺MV入面嘅造型係有疤痕，用以表達人生有好多傷痛都會留下瘡疤，只有自己先知，所以要走入教堂搵上帝哭訴。至於可以同Heidi合作係非常開心，因為我真係好崇拜佢，讀大專時已經係佢嘅小Fans，有聽佢嘅歌、睇佢嘅戲，可以同自己偶像合作，係難以形容嘅感動。」
保錡表示他的終極夢想是成為一個歌手。
保錡用行動證明自己
入行3年，於今年成功單飛，保錡指這是個難得的機會去證明自己，他說：「我嘅終極夢想係想成為一個歌手，但歌手唔係自己覺得，係要人哋話你係，你先係，所以今年嘅目標係想做好多大家唱K會唱、搭車時會聽，甚至係陪到大家成長嘅廣東歌。」
他又特別感謝監製為他投放了很多心機，說：「錄歌之前，舒老闆用咗幾日時間搵我唱歌個Range，同埋用咩方法唱《猥瑣》會較好，繼而喺錄音時又會教我唱呢個年代嘅流行歌應有嘅態度同情緒，因為《猥瑣》呢首歌好講究歌唱技巧同埋感情運用，但我本身咬字最弱，唱得又唔連貫，所以舒老闆今次特別同我就呢兩方面加強訓練。」
amJetso 送BIODERMA救星小紅瓶🩷護膚恩物 立即按此參加👇
