樂壇是否已死?為何總是覺得現在的歌，不及以前的好聽? 倫永亮就有這樣的看法︰「我依家發覺好多流行曲少咗呢樣嘢，我成日都同我啲朋友講，就係少咗magic，少咗個魔術。大家著重詞方面，唔再著重係旋律。」他又指現今的詞，沒有意見，有些更只是為了譁眾取寵，「係特登做啲嘢出嚟唔make sense，英文叫shock value，無論個樣嘢好定唔好，已經唔係一個問題，最重要佢shock 唔shock到你。」
不過，他承認這是一個改變不了的事情︰「我記得黃霑先生講過一樣嘢，我係好同意，佢話其實我哋音樂方面、所有藝術方面，任何方面一樣嘢都係講緊潮流，佢話其實好多嘢都係每十年就有一個潮流嘅改變，而潮流改變係你點都阻止唔到，佢一定會變，佢一定要變。」
而他別樹一格的曲風，就無懼這個著重於詞的年代，「我某程度上一定有改變，但我千辛萬苦先行到嚟呢一步，我有自己個人風格，如果大家聽到個首歌聯想到我倫永亮呢個名字，我唔會將佢拋棄，我始終會執住，因為我幾有信心，我自己寫嘅嘢有個說服力係度。」
🎁 amJetso請你睇《焚城》，快Ｄ開APP玩👇 👇
