LOONG 9之父與林建岳、劉偉強合照。
寰亞傳媒集團老闆林建岳，昨晚於中環舉行「寰亞之夜」，吸引逾百名藝人到場，即時於珠三角舉行個人巡迴演唱會的林曉峰(阿Lo)，與「獎門人」曾志偉亦有到場，二人碰頭即笑料不斷，志偉爆阿Lo即將推出新歌《曾經被遺忘的人》，而阿Lo身兼填詞，志偉笑言：「個填詞人好出名，由一個唔識字嘅人填詞。」
阿Lo拉埋製作人梁家樹、音樂人陳光榮合照，不知是否他巡迴演唱會的製作班底。
多謝LOONG 9之父教導
阿Lo和應：「但佢又填出咗人嘅心聲，跟獎門人學嘢係有用。獎門人教我不學無術，學多啲嘢，學完就有技術。」又說：「係一首同自己和解嘅歌。」對於即將舉行首個個人珠三角巡迴演唱會《想你的FENG吹到了》，廣州站將於4月13日舉行，他表示會將過往的經驗套用於演唱會上：「當做主持、會有音樂，同人交流嘅互動。唔覺得係一個好正式嘅演唱會，似係朋友大家見面咁。」他透露籌備工作已進入大直路：「爭舞台上嘅衫、歌曲上嘅調配，同音樂顧問鄧志偉傾緊。」
阿Lo與雲浩影。
終於有兩首自己歌
至於演唱會上會否騷肌，阿Lo說：「演唱會以前騷過肌肉，今次騷下唱歌。」他希望藉着演唱會讓大家更了解自己：「大家都話我冇自己單曲、冇出過專輯，又唔知點解做咗歌手，呢啲說話對我好大鼓勵。今次做咗兩首自己嘅歌，好期待俾唔認識我嘅人逐步了解我。」曾志偉恭喜阿Lo之餘，亦表示會捧場兼為他拉票。
amJetso 送BIODERMA救星小紅瓶🩷護膚恩物 立即按此參加👇
