發哥出動私伙手機與觀眾selfie，拍完照立即傳送照片給觀眾。
由影帝周潤發(發哥)主演的電影《別叫我〝賭神〞》將於下周四(29日)公映，電影今晚(23日)率先舉行特別場，完場後發哥驚喜現身，聯同導演潘耀明、編劇莊文強、監製黃斌，為電影首度於戲院放映的場次謝票。有「自拍神手」發哥在場，當然要跟觀眾大合照，發哥出動私伙手機與觀眾selfie，拍完照立即叫大家開airdrop，即時傳送照片給觀眾。
發哥一現身，全場即起哄，高呼「發哥！發哥！發哥！」發哥分享拍《別叫我〝賭神〞》的感受，他表示，除了早年在電視台拍劇，自《秋天的童話》、《阿郎的故事》後，主要是「揸槍」搵食，很難得有機會拍文藝片，被問到拍喜歡拍「揸槍」戲或文藝片時，他笑言，「梗係攬攬錫錫，無咁辛苦。」編劇莊文強坦言這類型電影較難找投資者，多謝發哥答應參演，否則這劇本可能又要收埋櫃桶底。
發哥被問到最深刻一場戲，他表示，「有場幫戲中兒子柯煒林剪頭髮，然後要送返佢俾媽媽(袁詠儀)，都真係好唔捨得。」
🎁 amJetso請你睇《焚城》，快Ｄ開APP玩👇 👇
