前無綫新聞小花蔡雪瑩早年嫁上市公司太子爺升呢豪門少奶奶 賀年照令獨立屋首曝光
前無綫新聞小花蔡雪瑩憑甜美笑容被封「雪瑩BB」， 2016年與上市公司太子爺朱威霖（William）奉子成婚，陀住5個月BB披婚衣，升呢豪門少奶奶，現時育有一子一女。蔡雪瑩日前於社交平台分享一家四口合照，向大家拜年，意外曝光九龍塘獨立屋泳池：「恭喜發財，大年初一，朱家仝人祝大家，身體健康，生生猛猛」；從照片中睇到，蔡雪瑩一家人穿上紅噹噹賀年裝，泳池邊又放咗多盆年桔和年花，充滿新年氣氛。
蔡雪瑩2010年擔任新聞台主播
蔡雪瑩畢業於香港浸會大學傳理系，2010年擔任新聞台主播，2014年離巢TVB轉任公關及以自由身接唔同主持嘅工作。2016年結婚及誕子後，蔡雪瑩主要擔任司儀主持和接拍廣告，曾拍攝ViuTV旅遊節目《歐遊全細界》及電影《寒戰II》，飾演周潤發（發哥）其中一個徒弟，亦係基於過往主播形象夠專業，而成為導演搵佢演出嘅原因。現時，蔡雪瑩亦有為港台節目《醫生與你》和TVB節目《美食新聞報道》擔任主持工作。
原文刊登於 Yahoo 娛樂圈
立即更新/下載AM730手機APP 體驗升級功能
