彭皓鋒參與不少劇集拍攝，角色大都是惡形惡相。
53歲前TVB藝人彭皓鋒，昨晚(30日)為黑妹李麗霞、韋綺姍和彭家麗舉行嘅慈善演唱會擔任嘉賓，獻唱前突然自爆患上直腸癌，更透露過幾個禮拜可能就要做手術切除肛門，之後或要終生孭住造口袋。
他表示今年7月時因身體不適而睇醫生照腸鏡，發現直腸有個5cm大的腫瘤，而且位置好接近肛門。因為要戒口，彭皓鋒食量減少，體重在幾個月間內由210磅急跌到170磅左右，暴瘦三十磅！
醫生建議彭皓鋒做手術切除腫瘤，但同時亦要切除肛門，餘生將要與造口袋共存。彭皓鋒透露已排期於11月中做手術，但至今仍未做決定。
彭皓鋒回歸TVB拍《逆天奇案》時與另外3位「TVB惡人」同場。
由於演唱會是為兒童癌病基金籌款，彭皓鋒借機會在台上分享確診後感受，他表示因為今次患病而發現太太好愛他，又寄語病者親友不要太擔心，最緊要有好心情。
彭皓鋒係歌手彭家麗細佬，1996年加入TVB後，經常獲安排演收數佬同黑幫嘍囉而成為「御用惡人」，到2012年離巢並轉投王維基旗下香港電視。約滿後成為自由身藝人，並開始北上工作，發展機會唔錯，更以網路電影《老師上錯身》獲美國荷里活國際電影節最佳男配角獎。
原文刊登於 Yahoo 娛樂圈
彭皓鋒同太太相當恩愛
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
