劉德華一連廿場的跨年演唱會於日前舉行，距離華仔上一次開騷已經是8年前，加上今次是他墮馬受傷後首個個人演唱會，不少歌迷都非常期待他的演出，甚至有人花了近6萬元購買5張黃牛門票入場，認真誇張！
今次華仔開騷可說是扭盡六壬，除了與女dancer大跳熱身舞之外，還站僅得一個人身位的舞台從天而降，並環繞紅館轉跟山頂的朋友打招呼，場面非常牙煙。華仔事後坦言︰「自己都有啲淆底，但為咗視覺效果加上設計安全，所以仲可以撐落去。」此外，演唱會中途，天幕投影了一幅小朋友友畫作，原來是出自他的女兒劉向蕙(Hana)之手。「係佢份功課嚟㗎。(有版權喎，問過囡囡未？)佢咁細個，個版權都係屬於爸爸嘅。」
太太朱麗倩與Hana罕有公開露面讓媒體拍照，華仔笑言：「我叫㗎嘛！我係一家之主，梗係我叫。唔想你哋亂寫，話我避呢樣避嗰樣，大大方方就算啦。今次都係囡囡第一次睇，之前你哋都見過老婆有睇。」華仔就自評今次表演得60分，當他知道老婆與囡囡坐足全場時，表現非常興奮，又笑言害怕囡囡看完第一場之後不會再看。
朱麗倩與Hana罕有公開露面讓媒體拍照。
向來愛錫歌迷的華仔，今次個唱取消握手環節。他說︰「醫生驚我突然chok親，就算坐車我都叫司機唔好突然煞車，依家坐車都驚。見我成日望地，係因為Spotlight太光，遮住我睇唔到地下，我都要好小心。」
向來要求高的華仔，為了今次個唱花了不少花思。
立即更新/下載AM730手機APP 體驗升級功能
