《勁歌金曲》焦點落在何雁詩爆哭上。
全新的《勁歌金曲》加插了不少環節，新一集由伍樂城、資深DJ陳海琪、陳奐仁、陳柏宇、MastaMic及關心妍組成「音樂導賞團」，聯同廿位音樂選民即場評論登場歌手的新歌，包括有《灰夠》的何雁詩、《你那邊好嗎？》的洪卓立及《錯的一天》的吳若希。由於節目預告何雁詩會被陳海琪狠批，兼且爆哭收場，因此成為節目焦點。
原來她是因為伍樂城的關係，而感觸落淚。
何雁詩登場唱出《灰夠》，伍樂城稱她可以唱得再放一些，並解構歌曲設計，之後何雁詩便哭了出來，她說︰「因為係佢叫我參加《超級巨聲》，冇佢我入唔到行。」其後陳海琪接著評論，她先反問何雁詩是否一個可受壓的人，「一個人嘅質素就睇個人可受可以受得住壓力，我好唔鍾意首歌，因為首歌好平庸。」
她接著說︰「伍樂城讚賞你嘅地方我認同，我覺得你有音質，唔懷疑你唱歌嘅能力，但係你話呢首歌，well，加加埋埋啱啱合格，我唔會對你留低咩印象，但如果你要喺呢個樂壇大洪流，咁多沖撃底下增加你嘅競爭性，如果你用呢首歌，你會輸梗！機會唔容易有，你話如果再多幾次，你就拜拜﹗你知唔知呀？」何雁詩聽罷不禁唞大氣並謂會繼續努力。
陳海琪直言不喜歡何雁詩這首歌。
她認同何雁詩的唱功，但認為整首歌令人難以留下印象。
她更指何雁詩日後再出同類歌曲，會在樂壇「輸梗」。
何雁詩聽完之後，不禁要深呼吸。
出道年資較長的洪卓立接著登場，陳海琪指他欠缺自信︰「我覺得洪卓立你真係未夠自信，仲係唔可以放開胸懷，我希望你經過今日次後，豁出去，你可能可以將呢首歌嘅情意傳遞。」主持郭偉亮問到此歌是否好聽，陳海琪說︰「我覺得係OK嘅！」令原本一臉緊張的洪卓立忍不住笑了出來。
其後吳若希唱出新歌《錯的一天》，陳海琪說︰「李宗盛有同我講過，有某一種嘅歌係計算出嚟，所以對首歌係咪好深感覺，其實我無乜感覺，香港又係……well，會有一種人會鍾意呢隻歌，但係如果站喺吳若希個人，我真係好希望佢聽Eric（郭偉亮）講，搵佢做監製，可以將你最好一面攞出嚟，我覺得你而家係未夠，可以試多啲嘢。」
洪卓立是唯一獲陳海琪表示「OK」的歌手。
吳若希一樣被陳海琪指歌曲沒有甚麼感覺。
陳海琪希望吳若希日後表現可更好。
立即更新/下載AM730手機APP 體驗升級功能
