蔡穎恩在《叠影狙擊》中飾演患有「斯德哥爾摩候群症」的富家千金涂文雅。
蔡穎恩（Evelyn）在新劇《叠影狙擊》中迎接新挑戰，她飾演患有「斯德哥爾摩候群症」的富家千金涂文雅，為演好這個角色，Evelyn專程邀請戲劇導師兼舞台劇演員甄詠蓓進行補課。
Evelyn說︰「拍攝和上課前，我上網做咗啲資料搜集，知道有地球上有啲人，正受到呢個病嘅困擾，每個人病況唔同，戲中嘅我有時會嘔吐、有時會好驚恐、好緊張，肢體上嘅表達需要多啲揣摩，因為唔想做到俾人覺得似撞鬼、撞邪，所以搵咗Olivia（甄詠蓓）老師補課，針對性去研究呢個角色，點樣可以做得更好、更加立體。」
蔡穎恩在《叠影狙擊》中飾演患有「斯德哥爾摩候群症」的富家千金涂文雅。
劇情講述Evelyn被綁架，期間被強逼睇很多關於人類污染地球的片段，雖然最後獲釋，卻證實患上「斯德哥爾摩候群症」，自此性情大變，尤其對現代化電子產品產生莫明恐懼，甚至出現身體不適等嚴重反應，更搬到偏僻的郊區居住。Evelyn說：「我角色病發時會嘔，剛才拍咗一場我病發嘅戲，cut機之後真係有一種虛脫嘅感覺。我只係拍攝，之後就可以將自己抽離呢種感覺，不過有呢個病嘅人，可能無時無刻都會有唔同嘅嚴重反應，所以如果身邊有人係斯德哥爾摩候群症嘅患者，要好好關心和協助佢哋。」
Evelyn說今次角色很大挑戰，坦言拍到虛脫。
立即更新/下載AM730手機APP 體驗升級功能
