![](https://cdn.am730.com.hk/s3fs-public/styles/article_image/public/news_image/1550000365_G9.jpg?itok=Z4XkQrxw)
古天樂、毛舜筠及爾冬陞等人,昨日到尖沙咀出席《第38屆香港電影金像獎》頒獎典禮記者會,古天樂與毛舜筠更宣布19個獎項入圍名單,當中《無雙》獲17項提名,威盡全場!
去年金像獎新增「金像同行」與香港罕見疾病聯盟合作,擔任「金像同行」大使的古天樂表示希望藉金像獎,令大家關注罕有病患者。向來為慈善不遺餘力的古仔,有指他為父母積福捐出2億,同時於大陸興建第104間學校。古仔表示有關慈善方面的事不回應,但指與家人飲茶是很平常。他說︰「同阿爸飲就比較少,因為佢講嘢比較大聲。我全家都撞聾,我懷疑自己都有少少,細個阿爸好鍾意將電視開到好大聲。點解同阿爸少啲飲茶係因為佢太大聲,又唔戴助聽器,同埋佢比較節儉,鍾意喺屋企食嘢。」
![黃秋生早前憑《淪落人》於香港電影評論學會大獎中稱帝。](https://cdn.am730.com.hk/s3fs-public/styles/article_image/public/news_image/1550000369_5T.jpg?itok=wnhilX2h)
黃秋生於《淪落人》演坐輪椅人士,有時不自覺郁了下肢要NG。
毛舜筠指今屆入圍的影后表現平均,而影帝方面她就大讚黃秋生的表現。她說︰「我覺得《淪落人》嘅黃秋生,真係表現得特別出色,好多人都認同,我自己睇都又笑又喊,真係冇得輸!至於女配角,我就揀同公司嘅惠英紅,佢都係好出色。」被人睇高一線的秋生,得悉入圍消息之後表示︰「入咗圍呀?入圍啫,又唔係攞獎,高興得咁早?你買六合彩你都唔會走去夜晚食餐一萬蚊嘅飯去慶祝啦,係咪?中咗至講啦。」
![毛姐看好惠英紅能憑《翠絲》獲獎。](https://cdn.am730.com.hk/s3fs-public/styles/article_image/public/news_image/1550000372_Ua.jpg?itok=NnQgwhQq)
毛姐看好惠英紅能憑《翠絲》獲獎。