尹光殺入5強，其他歌手的fans不滿投尹光的網民，認為他們玩爛頒獎禮。
尹光今年憑住《Dear Myself》加上潮玩AI效應之下，令他人氣爆燈，當《Dear Myself》上架時，網上普遍都支持尹光，並認為香港樂壇欠尹光一個交代。惟當尹光殺入《叱咤樂壇流行榜頒獎典禮2023》（簡稱叱咤2023）「我最喜愛的男歌手」12強之後，有不少網民開始狙擊尹光，網上出現不少爭議聲音。當尹光殺入5強之後，網上討論更加激烈，就連《Dear Myself》填詞人薛晉寧更被網民留言責罵。
薛晉寧在fb出po，不少人留言指有fans唔戥得。
薛晉寧(阿檸)同時也是商台DJ，他昨晚(26日)開PO說︰「明白大家可能唔鍾意尹生，但係你去我嗰邊XX都冇用㗎，我又冇播過，關我咩事啫？」有網民留言說︰「fans有呢啲行為，只會令人更討厭佢哋嘅偶像，贏輸都要有風度，如果輸唔起，呢個遊戲真係唔啱佢哋玩。」
保錡就留言說︰「曲線宣傳！」阿檸說回應說︰「不，我只係俾人直線抽擊。」未幾再回應保錡說︰「喂唔係，諗諗吓你先係直線宣傳嗰個，可唔可以拍爛檔帶返啲hater過去你嗰邊先？」亦有人留言讚尹光的《Dear Myself》的確感動到自己，惟他仍是選擇投張敬軒，阿檸就透露自己的選擇是林家謙。
阿檸出PO之後，引來不少人討論，保錡及迪子亦有參與。
阿檸為尹光填詞的《Dear Myself》成為熱門歌曲。
🎁 amJetso請你睇《焚城》，快Ｄ開APP玩👇 👇
