林家謙冧莊奪「叱咤樂壇唱作人」金獎。
2023年度叱咤樂壇流行榜頒獎典禮(叱咤2023)今晚在亞洲國際博覽館ARENA舉行，「叱咤樂壇唱作人」於尾聲頒發，林家謙三度奪金。
陳蕾憑《伸縮自如的愛》獲頒專業推介叱咤十大第三位後，再度上台，首次奪唱作人銀獎。她非常興奮表示︰「我未拎過銀獎，好開心！唱作人身份對我好重要！我音樂好渣，我識嘅樂器都好一般，本身呢個身份我都好迷惘，點解會成為唱作人，之後花咗啲時間去探討，終於搵到，我由出世到依家經歷嘅事都係獨一無二，我只係好誠實將啲感受寫出嚟，只要我繼續對呢個世界有感覺，我會繼續挖過心出來創作！」
至於MIRROR成員Ian陳卓賢，過去一年產量頗多，繼上屆之後今年再度贏得唱作人銅獎。他上台致辭說︰「好多謝大家，今年嘅歌曲好多都係由我監製，當中有好多嘢學習同有好多困難地方，好彩有好多音樂人幫手，好多謝佢哋。」
MIRROR四子登場
及後，大會安排Ian、姜濤、Edan呂爵安、Anson Lo盧瀚霆及張敬軒登場，唱出「我最喜愛的歌曲」的入圍作品，不過首先表演的Edan，在演繹《E先生愛人執照》時，表現卻明顯失準。此外，林家謙亦獲頒叱咤樂壇作曲人大獎。
