Vivian含淚宣布今次是最後的大型演唱會。
周慧敏(Vivian)昨晚(31日)在澳門倫敦人舉行《地老天荒愛一場世界巡迴演唱會》首站演出，換上多套靚衫的她，先以輕快歌《自作多情》揭幕，之後唱出多首快歌，她說：「快歌好似帶我去返90年代，諗起第一次個人演唱會，不經不覺你哋跟咗我30年，歡迎一家人嚟睇我騷。」Vivian講返2009年是她的人生轉捩點，當年結婚兼為基督教徒。「人哋將藝人放到好大，唔係好事。我放低『我』字後，睇到好多自己不足。當放下執著，誠實面對自己，我開始發現一直喺我頭上嘅光環，冇能力再綑綁我，得到真正自由。所以我唔係女神，我只是一粒好細嘅鹽。」
歌迷再三「安歌」下，Vivian最後唱出《天荒愛未老》。
Vivian說自己並非女神，只是一粒鹽。
最後一次大騷
到了演唱會尾聲，Vivian突然宣布今次是她最後一次的大型演出。「今次巡迴係最純粹嘅心演出，為愛我嘅人唱歌。今次巡迴每場都係倒數時間，應該係我最後一次個人大型演唱會，因為我覺係時間差唔多啦。我要專注身體、家庭。貓仔都唔細，想多啲時間陪佢哋，同先生有更多共處時間。」有歌迷即時哭叫「唔可以。」Vivian說：「我唔會唔工作，只係想多啲時間調節自己。」
Vivian表示曾遇過多位天使，其中一位就是「哥哥」張國榮。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
