林家棟憶起與夏萍生前點滴，一度哭成淚人。
資深演員夏萍月初離世，享年81歲，昨在萬國殯儀館設靈，今日出殯。契仔林家棟昨午到靈堂打點，圈中藝人送上花牌悼念，包括黎明、黃秋生、盧海鵬等等。
家棟在靈堂門口接受訪問，憶起二人相處點滴時，數度落淚。他指夏萍上月底中風，加上高血壓、糖尿病，醫生直言只能用藥物維持生命。他哽咽說︰「我當時喺大陸開緊工，問醫生可唔可以捱到我返落嚟，佢話佢盡人事，最後捱咗兩個禮拜，用藥支持自己，好彩見到佢最後一面。」說畢，家棟哭成淚人。他稱二人認識了廿多年，因為夏萍豪氣率直的性格，所以大家見面時會用粗口互相「問候」。
問到夏萍的遺願，家棟說︰「佢擔心自己走咗會點，我話唔使擔心，我喺度，我可以做嘅就係陪住佢。」他指10年前已考慮安排契媽入住護老院，及至夏萍年前在家中跌倒後十小時才被發現，家棟立即向杜琪峯提議讓她入住藝進同學會的老人院。他續說︰「佢成日問唔知走之後會點，我話我叫得你做阿媽，你叫得我做仔，我一定會照顧你到尾！」
謝賢、羅蘭、張國強先後到靈堂送別夏萍。
amJetso 送BIODERMA救星小紅瓶🩷護膚恩物 立即按此參加👇
