2021-11-15 22:43:00

夏韶聲破例唱《空凳》鄧建明無視傷勢落力演奏

夏韶聲(Danny)與鄧建明(Joey Tang )於九展舉行的演唱會圓滿落幕，Joey Tang 在首場發生意外，令到左手手指受傷，但他無懼墜台陰影，再次坐在台邊彈結他，他多次Solo彈奏結他，期間與夏韶聲不時對彈「Battle」，琴技不分上下令入場Fans如痴如醉。

太極樂隊主音雷有輝趕到現場上台撐兄弟，而夏韶聲應鼓手要求，臨時加插《空凳》一曲：「因為要暪住鼓手比個機會佢懷緬爸爸，所以臨時加上去，連Rundown都冇。但係我都好少唱呢首歌，因為我諗起爸爸都會傷心，只係今晚嘅觀眾有耳福。」

夏韶聲坦言尾場表現更好，笑指越做越興奮：「好多歌都未唱，但係今次擺明係一個搖滾騷，所以要留翻個人演唱會先唱囉！到時一定要搵翻Joey Tang合作，因為佢都熟晒我啲歌，難得大家都仲企到喺個台度，一定要再玩翻次。」

Joey Tang形容今次是「搏老命」演出，在台上多謝好友問候，仲高呼「冇事嘛」報平安：「跌完隻手指係黑色嘅，之後就變咗做紫色，叫做有好轉！但嚟緊都有好多演出嘅工作，冇時間比隻手去抖吓，但見到成晚坐滿晒觀眾，實在太High唔會留力，所以玩到好盡興！我同Danny哥講如果佢開個人騷，記得留翻個Band Leader比我撈吓，同埋希望到時大家唔洗戴口罩入場，大家都健健康康。」