肥媽在《奇蹟小店》首集到訪跌打醫館，更自揭去啪骨會失禁，令支嚳儀笑過不停。
由肥媽夥拍《中年好聲音》主持、並由有「音樂情人」之稱的鄭子誠作聲音導航的《奇蹟小店》，逢周一至周三晚上10點半翡翠台播映。昨晚（8日）播出的第二集，肥媽帶領曹敏寶（寶寶）先後走訪兩間傳統餅店，順道拜師學藝，其間發現賣少見少的忌廉筒極考功夫，單是塑形已非常困難。
肥媽與曹敏寶跟吳太學整餅。
馳名傳統餅店捲土重來
昨晚第一間餅店，以招牌角仔及雞仔餅見稱，2021年因為租金問題一度結業，吸引無綫節目《東張西望》等報道最後一日營業實況，吳太當時邊落淚邊賣餅的情景，至今仍觸動不少港人。如今餅店遇貴人捲土重來，令吳太終可再圓心願以美食回饋街坊。
每早五點便要起身準備營業的吳太，笑言已習慣「早起夜收」；談到招牌角仔，她透露當年因覺得外來貨品質不夠好，故專誠研發自家餅皮，因而成了顧客美好回憶。吳太忍淚分享了一個感人故事：「有個客打嚟話佢家姐患咗癌症，想佢家姐離開前嚟我度食佢最鍾意嘅角仔。當時未係我哋賣角仔嘅季節，我問個仔（點好），阿仔話『一定要做畀佢食』，好感恩啲顧客對我哋嘅產品咁熱愛。」
肥媽昨晚一集大談對移民看法：「啲人成日問我去唔去移民，有冇菠蘿包吖？真係香港風情嚟架嘛。」節目中肥媽還有提及其他至愛的舊式麵包，當中包括其手中的椰絲奶油包。
日企十小時整餅
至於最多試過日賣1,200個忌廉筒的元朗傳統餅店，年屆70多歲的蔡師傅開店40多年來一直堅持每個細節步驟做足，及「一定要用香港麵粉」。寶寶學做忌廉筒，她坦言：「每個動作都要好小心去做。」談到日企十小時整餅，蔡師傅亦處之泰然：「做嘢冇咩辛唔辛苦，只要我隻手郁得，我都堅持做忌廉筒畀大家食。」相當敬業。蔡師傅的仔女雖然無意繼承店舖，但他一點都不介意，仲話：「我哋唔強逼，我自己覺得可惜啫，佢唔會覺得可惜，佢有自己事業嘛。」十分豁達。為了令餅店得以傳承，蔡師傅將畢生功力無私傳授給徒弟，相當有心。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
