細姚子羚7年嘅妹妹饒慧珊（Sandy）係前Now TV財經台主播，樣靚身材又唔差，所以討論度都相當高，當年更被網民推舉為「女神主播」，同時貫以「翻版子瑜」之稱。現年35歲嘅饒慧珊畢業於樹仁大學新聞與傳播學系，2011年喺Now TV擔任新聞主播，雖然中途曾離職，但到2016年又再次回歸Now TV任職高級主播。
現時做司儀主持
喺2021年，饒慧珊選擇離巢，退出主播之列兼與男朋友Carlton Chiu結婚，展開人生嘅新一頁，自此之後就甚少喺幕前露面，僅於社交平台分享生活點滴，不時分享與家姐姚子羚出外放狗嘅照片，可見姊妹間感情相當好。唔少網民都關心饒慧珊係咪真係結束其主播生涯，但有網民發現饒慧珊現時除咗擔任大小活動嘅司儀，更為網台主持財經節目，繼續做財經主播。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
