姜濤接受Do姐訪問。
姜濤早前宣布暫別IG，專注搞個唱，但他今日現身到電台接受Do姐鄭裕玲訪問。他在訪問中表示知道大家很關心他的腳，並透露入行前因為到台灣打交流賽而韌帶斷裂。他指上次《903 AllStar 籃球賽》時扭傷右膝蓋觸及舊患，但當問過醫生之後，如要重新接駁韌帶需要6至9個月才可完全康復，有感時間不多，所以只好清理碎骨。他指十字韌帶已經斷得七七八八，Do姐指他要常跳舞，會令舊患出現問題，姜濤表示沒辦法，現只好每次跳完舞或做完大動作之後，要做衝擊波治療。
姜濤表示因為駁韌帶復元要很長時間，只好一直接受物理治療。
內疚身邊人受連累
他又稱今年開始相信風水，一來受傷，加上不同是非，是有史以來最多的一次，坦言犯太歲很犀利。他稱報道如只圍繞他的作品表現，他覺得被大家批評沒問題，因為「人工係包嘅」，但一些無中生有的事觸及到家人及工作人員，就會令他感到愧疚，覺得是受他所累，影響到他們。
提到早前他與化妝師的緋聞，他說︰「我岩岩入行已經幫我手，我同每一個工作人員都係咁friend，係咪因為人哋生得靚啲？高啲就俾人寫。我會覺得係影響到人哋生活，好內疚。」他續指過去跟在工作人員都在公眾場合相處，「我覺得既然大家無嘢，俾大家影到沒所謂，冇嘅嘢就唔驚，但依家知道作為公眾人物，要收番埋自己，(日後同工作人員點呀？)多啲注意，都係嗰句，我份人工係包嘛，做藝人我知道係會冇私生活，我知道呢個道理，只好自己各方面再進步啲。」
姜濤表示知道「人工係包」，所以接受私生活會被公開。
今年過得一般
Do姐指姜濤若覺得這些新聞都接受，而他自己也認為是中箭，便會跌入別人想他不快樂的圈套。姜濤說︰「年頭經歷咁多是非之後，我依家學識接受大家言論同批評，無論好定唔好，都會擺晒落袋。有啲人可能純粹想攻擊你，都會睇下佢係咩原因，自己都要做好啲。」Do姐續問他開不開心，他說︰「都ok啦，一般，我唔可以呃大家今年我好開心，但會朝向呢個方向。」
姜濤坦言過得不太開心。
依家唔開心到唔想食
Do姐續問姜濤是否受肥胖而困擾，他直認自己是肥仔底，受傷之後沒有運動，加上自己之前不開心有壓力，只好不停吃，令自己的體重上升。他稱︰「我真係飲水都會肥，所以只好努力。(你一唔開心就會食？)都係，但依家唔開心程度係想食都唔會食，以前稍為食嘢開心啲。(你好受人影響！)無辦法，做呢行。」
Do姐問他知不知道為何fans這麼喜歡他，姜濤笑一笑稱從fans口中得知除了作品外，還有他的人品，他希望可以保持正能量感染到別人。Do姐續安慰他要學識如何面對這些事，不要受其他事情影響到自己的工作表現及情緒。
姜濤表示現在不開心的程度影響食慾。
書展2023｜7月19至25日舉行一文睇晒門票優惠懶人包
▼按圖輯放大夏天消暑3式▼
amJetso 送BIODERMA救星小紅瓶🩷護膚恩物 立即按此參加👇
