姜濤和陳卓賢出席海洋公園「家姐細佬後援會成立典禮」。 (娛樂組攝)
MIRROR成員姜濤和陳卓賢出席海洋公園「家姐細佬後援會成立典禮」及睇熊貓。二人更即場首唱後援會主題曲《抱抱大熊貓》，由陳卓賢親自作曲。他們又大玩遊戲，並即場用毛巾摺成可愛的兔仔。二人的fans club各自捐出38萬予海洋公園作為飼養大熊貓。
對於早前王晶指他「人肥歌雞舞賤」，姜濤說：「我好多謝王晶前輩嘅批評同埋指導，作為後輩無法講太多嘢。一直秉持住接受其他人嘅意見。無論佢嘅出發點係乜嘢我哋都係咁理解。件事係我呢度就過咗去，大家食完花生就算，當係大家茶餘飯後嘅話題。網上會有一啲互相討論嘅時候，大家理性討論，或者討論完就算。唔好有過激言論就得。」
會否覺得成件事匪夷所思，姜濤想了一回說：「嗯！應該咁話，出道以來，都唔係只係呢單嘢，都有好多唔同嘅評論出現，好程度都已經習慣咗。做得呢一行而家都接受咗，應該要承受一部份，即係食得鹹魚抵得渴呢個道理。（有無影響心情？）可能以前會，依家心臟承受能力都大咗，因為出到道已經有七年，各種各樣嘅言論都接受。還好！」對於黃秋生讚姜濤肥得好可愛，姜濤說：「多謝秋生哥，我都覺得你好型！大家都好好地生活。」
限時早鳥優惠 火速訂位 | am730母親節溫馨晚宴 $5000福袋等你拎!
