姜濤到西九出席後援會舉辦的「The Keung’s Show」千人賀壽活動。
姜濤今日出席後援會舉辦的「The Keung’s Show」千人賀壽活動，與6,000位姜糖預祝26歲生日，後援會特地請來姜濤的台灣排舞師大目老師來港表演，與跳舞團隊送上《Every single time》和《白果》暖場表演，談到跟姜濤合作的趣事，大目老師就爆料指姜濤喜歡三更半夜找他傾排舞概念。其後主角姜濤登場，對大目老師特地來港感驚喜，並即興合作跳唱一小段《白果》。
大目老師(花花衫者)特意來港，為姜濤生日活動演出。
驚評「拼濤」樣
生日慶典上，姜濤與姜糖大玩遊戲，跟不同區域的粉絲大合照，姜濤現身當然會為fans獻唱，但今次他選唱了王力宏的《一首簡單的歌》，憑歌寄意，希望做一個簡單而深刻的人。6千姜糖以紙牌拼出姜濤的樣貌和生日快樂字樣，令他讚嘆不已。
第一支私家咪 唱好每首歌
姜濤獲後援會送上生日蛋糕和紅色私家咪一支，原來這是他入行以來第一支私家咪，他笑言喜歡紅色，認真表示，「自己一直都有爭取歌唱方面嘅嘢，以後會繼續唱好啲歌，唔敢話試啲咩新嘢，最緊要係將最基礎嘅嘢做好啲，俾大家睇，希望呢知咪可陪住我，唱好每一首歌。」
籲姜糖先照顧自己
被問到有何深情說話時，他認真表示：「出道7年，時間過得好快，入咗呢行見到好多唔同嘅事情，經歷過好多唔同嘅嘢，自己一直學緊點去處理好多嘅問題，好多嘢我都覺得未處理得好好，在座各位同其他人講鍾意姜濤時，身邊人嘅反應我係覺得好對唔係大家，自己都有相當嘅程度要去做好啲，我都希望大家照顧好身體，唔係每一個活動都要出現，你哋每一個人先係最緊要，我唔係最緊要，我希望我嘅出現係令大家變成更好嘅自己，而唔係為咗我做好多辛苦嘅嘢，我知道你哋喺度就得。」
限時早鳥優惠 火速訂位 | am730母親節溫馨晚宴 $5000福袋等你拎!
