![](https://cdn.am730.com.hk/s3fs-public/styles/article_image/public/2024-02/ENT_19.jpg?itok=y_0bdmwq)
羅天宇與黎諾懿成為《婚後事》的裸露擔當。
由羅子溢、陳自瑤、黎諾懿、賴慰玲、羅天宇及王敏奕等主演的《婚後事》將於明天起逢周一至五在九點半翡翠台播映。由六個不同主角,以六個不同視點為大家揭開同一個故事的不同面貌,與劇中主角一起跨越痛苦後齊齊成長。
![](https://cdn.am730.com.hk/s3fs-public/styles/article_image/public/2024-02/01_13.jpg?itok=JN1wnK4b)
黎諾懿飾演的Davey是一個條件優質情聖。
黎諾懿飾演的甘誠鈞(Davey)與羅天宇飾演的程天暉同為情聖角色,分別在於Davey是坐擁數千萬年薪的補習天王,身邊高質女伴一浪接一浪,令正印呂靜林Gina(賴慰玲飾)長年以來只能啞忍。天暉則是出身於小康之家的追夢者,無論收入地位均見低微,雖然事業方面堪稱loser,但由於樣子標緻,加上口甜舌滑,抱著末日戀愛心態的天暉亦長期不乏性伴侶,而天暉身邊最親密的異性朋友,就只有「好兄弟」呂靜海Mira(王敏奕飾)。
![](https://cdn.am730.com.hk/s3fs-public/styles/article_image/public/2024-02/15_16.jpg?itok=gfHg-T1v)
羅天宇在新劇在與王敏奕合作。
諾懿與天宇除了同為情聖,二人更要一齊「裸」到盡!諾懿繼與賴蔚玲的親密鴛鴦浸泡泡浴、及與陳自瑤的激吻場面引爆熱話外,原來為了該劇還獻出了更激場口,諾懿更坦言由於場口太激,最終遭全面刪走,諾懿說:「其實嗰場浸浴戲,原本有個鏡頭係影到我背面全裸,即係全身上下都無遮無掩嘅。由於當時我係面對住幅牆,鏡頭只係影到我背面同Pat Pat,加上我對劇組好有信心,所以索性真空上陣坦蕩蕩咁拍,不過最後好似話怕大膽得滯Cut咗。」
諾懿又揚言Davey是其從演以來最具挑戰性角色:「因為情緒上落好大,有衝突場口,又有好傷心、好憤怒嘅場口,有啲戲要演得壓抑的,有啲戲又要外露啲,同表現得好自信,同埋因為角色設定口才好,有時一輪嘴講對白都幾考功夫。但For一個演員嚟講,真係過足戲癮,期待出街後觀眾嘅反應。」
![](https://cdn.am730.com.hk/s3fs-public/styles/article_image/public/2024-02/21_7.jpg?itok=KUWQ5Z35)
諾懿劇中有不少激情場面。
至於天宇則在監製要求下,在沙灘上豪邁忘情「裸跑」,全身捲滿廁紙的天宇,更要做出極度享受的奔放表情,相當爆笑。「怕醜仔」天宇笑言拍攝時相當尷尬:「其實我雖然有著住肉色打㡳褲喺度跑,但因為我成身捲滿廁紙,又要個樣好陶醉咁,搞到成班幕後都焗晒蟹。同埋嗰日海邊唔係完全冇人,仲要有啲船喺海中心,都要克服好大心理關口,都有因為忍唔住笑,食咗唔少NG。」
林肯透露為了令怕醜成性的天宇開竅,除了為他度身訂造「裸跑戲」,更點名要他成為全劇「喜感擔當」,只要有天宇出現的劇情,一定逃不掉輕鬆搞笑Feel,期待值爆燈。