肥仔為《季前賽》犧牲色相拍裸聊照。
ViuTV劇集《季前賽》上周五播放的第十集，ERROR成員肥仔(梁業) 飾演的豬潤上演一幕裸聊場面，並拍下多張半裸艷照，其重口味「艷照」被網民放在連登熱烈討論，更一度被朋友誤會是現實中流出的裸聊相片。
犧牲色相
肥仔昨晚(6日)10時許在IG出po，上載《季前賽》誤中網騙陷阱的自拍「裸照」，重要部位都有打格仔，他寫道：「我有朋友睇見呢幾張相，因為冇睇《季前賽》，真係以為我有裸照被流出，好擔心我，問我有咩需要幫手。邊個我唔講啦，Btw好多謝你。Sorry like數唔夠唔會有原圖。」他笑言為劇集犧牲好多色相。
娟姐：係我檢舉你
不過，他出po不久，就被IG以帖文違反社群守則「成人性誘惑」的規定為由刪除，肥仔慘遭刪po後，上載「違規」截圖重新出po，他寫道：「Del左我個post，事實證明我太誘惑😅為咗減低呢個成人色情誘惑成份，我唯有咁post(截圖)多謝IG保護我哋未來嘅小朋友👍🏻🙏🏻」劇中演「九姐」的練美娟笑指：「Sorry係我檢舉你😂」，Edan(呂爵安)和張繼聰等表示「笑到喊」，而導演就表示：「我都要負上小小責任😂😂」
