年過49歲嘅孫耀威（Eric）近年長居喺內地發展，本來都係以拍戲為主，不過近期鮮有喺幕前出現，反而經常與老婆陳美詩活躍於抖音，拍片大放閃光彈，真係羨煞旁人呀！最近天氣高溫炎熱，孫耀威同陳美詩現身廣州街頭向醫護人員派發清涼飲品消消暑，不過就惹嚟連番熱議。
孫耀威同陳美詩喺炎熱天氣下向廣州醫護人員派發清涼飲品，不過就被網民指佢哋大過高調，似做騷多啲。另外，仲有網民認為凍齡有術嘅孫耀威身形走咗樣，比之前脹咗唔少。佢仲染上一頭金髮，戴上口罩後嘅樣子望落仲同荃灣豬肉檔劉宋威（威威）撞咗樣。唔少網民都留言話佢哋好似樣，例如「難怪豬肉威都被人捧」、「咪都係威威 唔洗分那麼細」、「真係幾似」、「笑咗 勁似」、「兩兄弟咁」及「一模一樣 點解要染個咁mk頭」等等。
amJetso 送BIODERMA救星小紅瓶🩷護膚恩物 立即按此參加👇
