官恩娜化身藏族姑娘。
現年44歲的官恩娜(Ella)昨日分享在西藏旅行的照片，她表示自己忍不住做了非常遊客的事，便是用了299元人仔租借藏服及化妝。照片見到Ella化身成藏族美女，非常漂亮，阿Sa、謝安琪、蔚雨芯、倪晨曦等都留言大讚好靚。另外，她亦在限時動態分享當地旅行的花絮，見到她坐了當地的三輪車，更買了多支氧氣以應付近5千尺海拔的高原環境。
驚訝相機有美顏功能
不過，Ella認為這幾張照片「太膠」，令她變成蠟像。她說︰「想講個攝影師執相都幾重手吓，我問佢可唔可以俾返張原圖我，等我有返啲毛孔，唔好成個蠟像咁。佢同我講啲相係相機直出，我話相機直出有美顏? 唔係呀嗎？！佢答我…是的！」並hashtag打了「 #執相咪走火入魔之恐怖蠟像館」她在留言區再說到「我見到第一個反應係下巴跌咗落地， 執相執到成個蠟像咁，浪費晒我咁用心配合佢擺pose」
