張鳳妮遊走悲從中來與喜極而泣演技到位獲讚。
《家族榮耀之繼承者》昨晚（16日）播出的第四集劇情講述丘智斌（羅子溢飾）被揭出是守義（羅嘉良飾）二房太太邵家碧（張鳳妮飾）的親生兒子，當年守義為爭奪家族話事權，才將剛出生的智斌與守義正室戴綺婷（余安安飾）誕下的芷嵐（梁靖琪飾）調包！智斌意外得悉真相後大為震撼，今晚播出的第五集，智斌更會主動與家碧相認；對於相隔近30年終可聽到兒子叫自己「媽咪」，家碧眼眶馬上谷滿激動又感動的眼淚。
張鳳妮1987年憑藉參選香港小姐進入娛樂圈，並於1996年年尾離開無綫，故是次是闊別螢幕長達28年後的「復出」演出，出山原因是總監製梁家樹親自邀請，而鳳妮亦成功成為劇集亮點之一。除了因為鳳妮繼經典劇集《天地男兒》後、相隔28年再與羅嘉良合作，因而引爆《天地男兒》集體回憶外； 張鳳妮的演出獲網民大讚，她受訪時，坦言事前做足功課，在正式鑽研角色前已看了三次劇本：「呢個角色好大挑戰，所以我先接拍。功夫我做得好足，但未做到最好。我初初睇劇本，頭兩次係當故仔咁睇，去了解（角色）頭段、中段同Ending嘅分別。之後再每個場口去mark應該點做，同埋我盡量唔想做到咁乞人憎，所以我對三個小朋友（梁靖琪、陳瀅、羅子溢）都一視同仁，希望令到角色睇落有少少可憐嘅感覺。」
張鳳妮坦言起初入劇組狀態不太好，並感謝子溢帶她入戲：「我初初入組時，好多場都唔係好入到戲，好彩都唔係重頭戲，係我仔子溢係帶到我。最難忘嗰場，係我帶佢見我已過身嘅父母（第五集），嗰場戲主要都係我講對白，子溢冇乜對白，不過佢畀我嘅反應係開始眼紅、熱淚盈眶，然後捉住我隻手，呢啲畀到我好足嘅戲，我可以跟住佢嘅情緒做反應，到佢叫我阿媽時，我就有眼淚流到出嚟。呢場戲好似第四、第五日左右拍嘅，我拍完就好似開咗竅咁，個人安心咗，啲戲之後都做得放咗，因為我知道子溢可以帶到我戲。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
