熊黛林與《家族榮耀》的囡囡(Hillary和Pearl，以及欣宜和Van齊齊開live。
無綫劇集《家族榮耀》昨晚首播，早前「馬家大少奶」熊黛林(Lynn)和她戲中兩位囡囡「招娣」劉沛蘅(Hillary)和「來娣」潘藝桐(Pearl)齊齊開live唱歌和玩遊戲，並請來分別唱主題曲和片尾曲的鄭欣宜(Joyce)和樂隊Nowhere Boys主音Van(陳維諾)做嘉賓，首次公開演唱主題曲《分岔路》的Joyce大爆錄音趣事，「我唱呢首歌時，諗返細細個成日睇呢類劇集，嗰啲掌摑呀、開開吓會成杯水撥去對面個人塊面度嘅情景，我將嗰啲感覺全部放入首歌。」雖然Joyce想起兒時煲劇情節，但獲Lynn大讚切合新劇畫面，令她想起劇中出軌的黃浩然，聽到情緒激動，「完全唱出戲裏面我哋嘅感情，每次聽都好有畫面。」
Joyce興奮自爆錄音時想起兒時煲劇的掌摑潑水情節。
Lynn和戲中兩位囡囡「招娣」Hillary(右)和「來娣」Pearl(左)。
眾人開live玩遊戲非常投入。
翻唱Sammi歌曲有壓力
至於唱片尾曲《我們都是這樣長大的》的Van則與Joyce相反，由於這是翻唱鄭秀文的版本，他要收起Band仔的激動，以冷靜的情緒演緒，「其實我好大壓力，Sammi原唱版本太好聽，好彩有監製Edmond幫我做心理輔導，又指導我點樣唱。呢首歌真係好難唱，無位抖氣，Sammi真係好犀利！」Van的演繹深得Hillary和Lynn歡心，Lynn說：「Joyce唱嘅主題曲就好似我哋劇中角色，喺出面打仗、針鋒相對咁刺激，而聽到Van唱嘅片尾曲，就好似返到屋企，好平靜、好舒服嘅感覺。」說罷，Lynn突然歌癮起，清唱了一段《分分鐘需要你》，Hillary和Pearl亦獻唱非常好意頭的《你最紅》助慶。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
