容祖兒已有2年沒出席香港活動。
容祖兒近年主攻大陸市場，上周返港的她，今晚出席時裝店開幕酒會。她表示已兩年沒有出席公開活動，很想念大家。問到有否忙於相約朋友見面，她說︰「都有啲飯局，依家大家都唔會點出去食，可能喺屋企煮飯，一、兩個朋友上嚟食飯傾偈！」
祖兒透露將會出席羅文紀念音樂會，屆時會唱《留給這世上我最愛的人》和《掌聲響起》。此外，她亦會拍攝廣告，到11月便會到海外巡唱，預告下年將會舉行紅館個唱。問到恩師羅文如何影響她，祖兒說︰「我最記得老師成個做人態度，喺唔同環節都好樂天，係一個好開心快活人，好投入工作，好享受自己嘅生活，係做人嘅最高境界。我都好掛住佢，希望佢可以望到我工作努力嘅成果。」
容祖兒稱羅文對她影響很深，教她很多人生道理。
祖兒︰唔係食豬餿
提到祖兒早前在大陸綜藝節目食豬糧引來爭議，她表示該節目是體驗生活及回歸大自然，同時亦要了解自己養的動物的飲食生活喜好，於是她要細心觀察自己養的豬仔。她說：「其中一樣嘢當然係飲食，佢食嘅嘢係我煮俾佢，唔係大家諗嘅食豬餿咁陰公，味道係好似麥皮，無味嘅。(係咪好滿意自己廚藝？)好滿意，直情要添飯！(有冇唔開心？)又唔會，大家有睇節目就知咩事！」
祖兒當時在節目中用飯煲煮「水麵粉」，更邊煮邊覺得好吃，又謂這些都應該是人可以吃的東西。待她餵完豬後，自己也吃一碗，並謂很像平時吃開的麥皮，吃下去更感覺健康。
立即更新/下載AM730手機APP 體驗升級功能
