2019-01-29 22:30:00

容祖兒認與劉浩龍分手︰冇咗好耐啦！

容祖兒與劉浩龍(師兄)於12年公開戀情，一直無懼閒言閒語，唯自去年3月開始，二人分手的消息傳過不停，但雙方從沒承認。然而，祖兒今日出席活動時宣布自己單身，並承認與師兄分手已有一段時間。

事緣祖兒提到8月演唱會之後，將與Twins計劃去希臘旅行，而Twins會各自帶另一半，問到祖兒會否帶另一半時，她說︰「我未搵到呀！(師兄呢?)冇喎，吓? 冇咗好耐啦！」問到為何一直未有承認分手，她說道︰「我覺得作為藝人，我嘅每一句說話、每一個聲明，都會對任何人都有影響，我就想感情事低調處理，但問到我，我就誠實同大家講，係囉，我而家係單身。」

早前容祖看《短暫的婚姻》舞台劇，事後在IG表示︰「婚姻這東西好深奧，好彩有排都未到我」問到會否急於結婚，她稱現階段頗享受單身，又謂︰「呢啲冇得急，結婚同戀愛唔一定必要，人生要有多啲經歷，友情佔我好重要位置，感情事隨緣啦。」