2024-10-17 20:29:02

巾幗梟雄之懸崖｜羅天宇勁好艷福孖港姐陳曉華陳楨怡譜三角戀

無綫台慶劇《巾幗梟雄之懸崖》即將於翡翠台隆重登場。今輯談情重任，落在年青輩演員身上，飾演茶樓老闆獨女—桂花香的陳曉華（Hera），與飾演亡命之徒韋豪的羅天宇，將譜出一段一波多折、但又兩小無猜的純愛故事。識於微時的桂花香及韋豪，因某種原因失散多年；最終久別重逢的二人雖火速重燃愛火，但礙於各種現實，二人一直未能光明正大地成為情侶；縱然如此，二人仍甘願無條件為對方付出、甚至自我犧牲；而當二人感情漸見起色時，卻又殺出程咬金寧俐（陳楨怡飾）挑撥離間。

高度係最大問題

羅天宇在同一套劇中與港姐冠軍及亞軍人馬有感情戲，他笑言並沒有如大家想像般好艷福，並笑言與Hera及楨怡「談情」最大難度竟是高度問題，天宇笑言：「我哋有個小三角戀，而同佢哋拍談情戲，高度係最大問題！因為我個角色成日著啲鞋都冇乜底，佢哋兩個本身已經好高，加上佢哋個角色成日要著高踭鞋，佢哋又勁瘦，企喺佢哋側邊，Suppose我個角色要好有型架嘛，但畀佢哋搞到好似矮仔咁。」

入行16年終嘗打鬥戲

天宇又補充指，拍攝《巾幗4》最開心及難忘的地方，是終能一償心願接觸動作戲：「我入行十六年喇，最近每年專訪講新目標，我都會話好想試拍打鬥戲，細個睇葉問、黃飛鴻、李小龍已經好鍾意，所以一路好期待拍，去到今次真係有機會接觸，真係好開心。初初聽故仔話我個角色槍法好好，仲以為唔使點打，點知唔係，原來我咁就做咗『動作擔當』。」

陳曉華首次演民初劇

是次首度參演民初劇的Hera，劇中不但造型多多，而且每個造型均是仙氣逼人、顏值爆燈；除了甜笑、天真的樣子勁吸引，淚眼汪汪的委屈樣亦煞是動人，堪稱《巾幗4》的「眼淚擔當」。談到首次拍民初劇，Hera笑言最大驚喜是造型比想像中多元及豐富，並透露是淡妝上陣演出：「我有好多套造型，雖然都好淡妝，但係就係因為好清淡，好符合桂花香呢個角色。」她更笑言由於劇中造型偏公主風，故拍畢劇集後多了「香香公主」這個稱號，十分搞笑！

陳楨怡造型多變

至於與Hera及天宇苦陷三角關係的楨怡，劇中造型同樣漂亮多變，除了有多款超貼身旗袍大晒美好身段及白滑長腿，更會展現極富年代感的富貴睡衣Look，及年代貴婦Look，絕對值得期待。獲監製嘟嘟點名大讚演戲有天份的楨怡，在劇中飾演暗戀天宇多年的「心機女」，為了贏取天宇關注及憐惜，更不惜自殘兼作故仔，角色具備一定程度殺傷力。