謝雪心與曾航生齊迎新突破。
由胡定欣夥拍黎耀祥的台慶劇《巾幗梟雄之懸崖》（下文簡稱《巾幗4》）正於翡翠台播出，上周五（8日）一集再有新角色登場，分別是蕭正楠分飾的龍四海，以及龍四海父母—龍督軍（曾航生飾）及薇姨（謝雪心飾）。以超搶鏡圓框黑超造型亮相的心姐，是《巾幗》系列核心人物；謝雪心於《巾幗》第一季飾演大奶奶，滿口陰險毒辣金句：「唔係你死就我亡，唔係魚死就網破」、「你係我嘅天敵，天生嘅敵人」，又經常設計陷害四奶奶鄧萃雯，憑角色榮獲「最佳女配角」殊榮。在《巾幗2》，心姐飾演「喜姐」，繼續針對雯女角色，滿腹心計、霸氣外露。今次，心姐在第四季的角色與以往角色有180度大轉變，除表面溫和得多，還有不能靠眼神表達的複雜內心戲，心姐受訪時嘆言是新挑戰：「劇情話我個仔喺荒島出咗意外，之後蕭正楠出現我就當咗佢喺我個仔，但其他人個個都唔相信佢係我個仔，自己都好矛盾。其實去到最尾我知佢唔係我個仔，但係又覺得就算唔係我個仔，自己都想有番個仔，所以呢個慈母好難演。」心姐還親揭造型墨鏡內含洋蔥：「因為個仔死咗，我喊到隻眼有問題，搞到唔係好睇到嘢，所以呢個戲唔可以靠眼神同眼淚去表達傷痛，對我嚟講都係新挑戰。」
此外，昨晚一集引爆《巾幗》經典回憶位，劇情講述七爺（胡定欣飾）和柴十七（黎耀祥飾）為了配合戒嚴於大街大巷走難兼趴地，二人更因於趴地期間「郁身郁勢」，險遭軍人嚴懲。對此監製方駿釗（嘟嘟）引爆集體回憶，指胡定欣與祥哥於2008年播出的《巾幗梟雄》中，亦曾因走難齊齊趴地；翻查舊片，當時二人走難的場面更加混亂，飾演夫妻的二人要「飛撲趴地」避爆炸，相當考身手。談到相隔16年與祥哥再因《巾幗》齊齊趴地，定欣受訪時笑言「世事太微妙」，又透露拍《巾幗4》引發不少和祥哥的珍貴回憶：「其實我自己都幾乎唔記得咗呀，我諗今次趴地最大嘅唔同係，我同柴十七可以傾偈！」另胡定欣昨晚在「玩命俄羅斯輪盤」一幕亦甚考演技，極有層次地演繹出對於自己分分鐘會喪命的恐懼，到了第四發子彈時眼淚像瀑布般流下來，出盡力演出可謂相當落力。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
