由陳淑芬主辦的《繼續寵愛·二十年·音樂會》，請來不少歌手藝人參與。
昨日是張國榮的死忌，坊間有不少悼念活動，由陳淑芬主辦的《繼續寵愛．二十年．音樂會》在紅館舉行，請來郭富城、張智霖、袁詠儀、張衛健、周慧敏、陳松伶、鄭欣宜等演唱及分享。另外，大會亦請來梁朝偉預先錄製片後，作為紀念騷的序幕。
哥哥生前摯愛唐鶴德在IG分享了多張哥哥的劇照，留言說︰「夜闌靜 有誰共鳴」。事先表明不會出席紀念騷的他，最後以另一種方式參與紀念騷，大會播出他預先錄製的聲帶，熒幕則播出昔日他與哥哥的合照。他說︰「死亡並唔係一個終結，被遺忘嘅先至係。好幸運，哥哥喺佢呢20幾年嘅演藝生涯裏面，佢演過好多令人印象深刻嘅角色、唱過好多動人心弦嘅歌曲，亦都留低咗好多姣、靚、型、寸嘅舞台表演，呢啲都成為咗我哋嘅集體回憶。更幸運嘅係，哥哥有一班一直以嚟都咁愛佢、咁錫佢、咁掛住佢嘅好朋友、哥迷同影迷。我喺呢度代表哥哥衷心咁多謝大家。今日係一個特別嘅日子。我哋就襯住今晚呢個機會，一齊回憶哥哥嘅過去、回憶佢嘅真、善、美，延續對哥哥嘅愛同思念。繼續寵愛，張國榮。」
amJetso 送BIODERMA救星小紅瓶🩷護膚恩物 立即按此參加👇
