張繼聰近年愛收藏及駕駛古董車，早年他曾試過因為古董車在行駛途中壞車，要在路邊等一小時，當時他自拍表示在等候拖車的時候，可以「思考人生，感受初秋嘅微風，曬太陽。」並稱「玩古董車其中一種娛樂係壞車等拖車」。
今日，阿聰又再次面對古董車出問題的情況，今次是斷了車匙，他在車內自拍片段配上憂怨音樂，「玩古董車最有趣係玩突發同意想不到，今日我整斷咗條車匙，架車開唔返，本身我係揸車趕去睇我仔足球比賽，依家睇唔到，做咗個失職爸爸。我亦都喺市中心度等拖車，玩古董車要有隨時等拖車嘅覺悟。」
驚樣衰要戴口罩
張繼聰自言今次事件的主要原因是「kai」，但他認為今次是上天給他禪修的機會，讓他有機會思考人生，聽下雀鳥聲，看街坊享受悠閒的下午，並稱：「我有啲驚，所以我都係戴返個口罩，係因為我驚樣衰。」阿聰在片中又提到，有不少街坊提供不同工具，又一齊想辦法，直言：「我先至冇喺條街度喊出嚟，多謝咁多位街坊。」
張繼聰日前才跟囝囝偶像合照，重拾家中地位，如今又因為未能看囝囝比賽，令囝囝失望。
🎁 amJetso請你睇《焚城》，快Ｄ開APP玩👇 👇
