張致恆老婆又放負「又準備冇屋住」 Steven做雜工養家雯雯態度有變？
張致恆同太太區燕雯嘅家庭狀況不時成為新聞，近乎冇晒幕前工作嘅Steven打過唔少工賺錢養起一家六口同狗狗，早前更效法老友吳浩康做「職安真漢子」，考咗平安卡做地盤。
而張致恆前兩日都有出IG STORY分享去到唔同地點工作嘅情況，有網民估計Steven去咗做渠務署外判雜工，主要係幫手封路、遞工具、收圍欄等工作，一日人工大約900蚊，相信可以幫補下。
與此同時，雯雯日前又出post放負，寫道「我已經化／最多咪（狗狗及仔仔emoji）係街／又唔係冇試過／又準備冇屋住／最慘今次有工作／只係出糧日期有變／交唔切」，懷疑係因為Steven糧期變動影響交租，但比起過往，雯雯今次冇再明嘲暗諷老公唔做嘢。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
