梁漢文及王敏德在維多利亞公園出席「CAN Challenge」的慈善領袖網球賽，梁漢文透露從小就學會打網球，但入行後沒有朋友會打，即使Big Four也不會：「佢哋打桌球多，所以近幾年我都好少打。」他笑言老婆也沒陪他打，「佢多數跑步，最近就學芭蕾舞，幾好，老婆會突然跳舞俾我睇。」
談到張衛健和蘇永康將夥拍吳國敬，在馬來西亞舉行演唱會，卻沒有他和許志安的份，他開玩笑說：「我哋拆咗伙，拆散啦，冇啦，講笑，因為今次唔係Big Four 4人嘅個唱，所以先冇我同安仔，唔係友情生變。」至於真正的Big Four演唱會，就要待他們排了檔期，才知何時再辦。
王敏德早前跟兒子王躍穎同台行騷，他笑言：「個仔自細就做運動、打網球，又遺傳媽媽嘅高挑身材，好開心有機會父子檔做嘢(可會讓兒子入行？)佢跟我去做嘢，大概都知道做模特兒係點嘅，至於做唔做，就睇佢自己啦。」
